Бүгінгі таңда ҚР сыртқы істер Министрі Бейбіт Атамқұловтың Корей Республикасына Сеулге сапары аясында «Alageum Electric» АҚ және жетекші оңтүстік кореялық «Hyosung» компаниясы арасында екі жақты кездесу өтті. Аталмыш B2B – кездесу ҚР СІМ инвестициялар Комитеті мен «Kazakh Invest» АҚ қолдауымен ұйымдастырылған.

«Alageum electric» компаниясының директорлар Кеңесінің Төрағасы Еркебұлан Ильясов 110 кВ КТҚ жеткізілуіне «Hyosung» компаниясымен меморандумға қол қойды. Кешенді таратқыш құрылғы (КТҚ) – бұл атаулы кернеуі 110 кВ, жиілігі 50 Гц үш фазалық ауыспалы тоқ желілерінде электр қуатын қабылдау, тарату және бөлу үшін арналған, газ оқшаулауы бар жоғары вольтты таратқыш құрылғы. Hyosung 50 жыл бойы КТҚ өндірумен айналысады. Сондай-ақ ҚР аумағында - 110, 220, 500 кВ КТҚ шығаратын зауыттың құрылысына біріккен өндірісті ұйымдастыру бойынша компанияның басшылығымен келіссөздер жүргізіледі.

Hyosung Сorporation (1966) Корей Республикасындағы энергетикалық өнеркәсіпте көшбасшылық күйге ие. Корпорация жалпы және арнайы тағайындалған трансформаторларды, шағын станцияларды, сондай-ақ КТҚ өндірісі үшін ең заманауи технологиялар мен озық мүмкіндіктерге ие.

Alageum Electric Hyosung Сorporation-мен ұзақ мерзімді серіктестікке және тәжірибе алмасуға бағытталған.