Елiмiзде Республикалық «арқан тартыс» ұлттық спорт түрі федерациясы жұмысын бастады. Арқан тартыс - әлемнің 75 елінде ресми спорт ретінде тіркеліп, жүйелі жұмыс істеп келеді. Халықаралық арқан тартыс федерациясы халықаралық Олимпиада комитетімен танылып, бүгінде тасы өрге домалаған спорт түрі. Аталған спорт биыл елімізде өтетін 5-ші Дүниежүзілік көшпенділер ойындарының негізгі бағдарламасына енген.

Жаңадан құрылған Республикалық федерация президенті болып «Alageum Electric» Директорлар кеңесінің төрағасы, «Қазақстанның электр машина жасау қауымдастығы» ЗТБ Басқарма төрағасы, YPO Kazakhstan мүшесі, «Жамбы ату федерациясы» РҚБ президентi Ілиясов Еркебұлан Сайдоллаұлы тағайындалды.

Федерацияның даму бағыты бойынша вице-президенті болып ҚР Еңбек сіңірген жаттықтырушысы, спорт қайраткері Жабаев Нұрлан Жанпейісұлы, ал спорт жөніндегі вице-президент болып Ұлттық және ат спорты түрлері орталығының директоры Сәбитов Бақдаулет Маратұлы тағайындалды.